Вашингтон ба Тегераны хоорондох хурцадмал байдал дайн дэгдэхэд хүргэвэл Их Британи Иранд цохилт өгөхөд бэлэн байна. Энэ тухай The Sun-д бичжээ.

Уг хэвлэлийн эх сурвалж Лондон холбоотон АНУ-ыг дэмжиж, Томагавк пуужингаар зэвсэглэсэн Британийн шумбагч онгоц Ираныг цохиход бэлэн байна гэж мэдэгджээ.

Эх сурвалжийн мэдээлж байгаагаар Иракт байрлаж байсан Британийн 400 цэрэгт дипломат ажилтнуудын хамгаалалтыг бэхжүүлэх тушаал өгсөн бөгөөд аврах ажиллагааны үеэр элит тусгай хүчний байлдагчдыг тус улсад шилжүүлэхээр болжээ.

Лондон Иракт байрлаж байсан контингент хүнд зэвсгийг авах ёстой гэж үзэж байна. Энэхүү саналыг Ерөнхий сайд Борис Жонсоныг Карибын тэнгис дэх 12 хоногийн амралтаасаа буцаж ирэхэд нь илгээх болно.

1-р сарын 3-нд Багдадад Америкийн нисэх хүчний пуужингийн цохилтын үр дүнд Исламын хувьсгалт харуулын корпусын “Аль-Кудс” тусгай хүчний хэсгийн командлагч генерал Касем Сулейманийг алжээ. Сулейманигийн аллагын захиалгыг АНУ-ын Ерөнхийлөгч Дональд Трамп өгсөн. Иран генералынхаа өшөөг авахаа амалсан, Харин үүний хариуд АНУ Ираны 52 зорилтот газарт цохилт өгөхөө амлав.